radiazione di fondo

Ci vediamo subito
dopo questa breve pausa,
ɫa dise quea de “Chi l’ha visto?”
quando che i manda ɫa publicità.
E mi a me vien sempre inamente
quei che a ghe voévo e i me voéva ben,
e i xe sparii, no i se ga visti pì.
Me piasaria mandarghe dir:
“No ste a crédar – come che se sora
sta s-cianta de vida che me vanza,
a vegno catarve mi…”

Me piasaria – ma no ɫa xe cussì.
Co che sarà finìa sta breve pausa,
dove che almanco ne catémo in sogno,
mi e ɫori no ne vedaremo altro.
Fine deɫa trasmission
(o deɫa seɫeste corispondensa,
se podarìa anca dir).
Su’l schermo deɫa tivù no resta
ch’un slusegare tùrbio, informigolà,
inte’l cul del gninte e de nissun.

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...